Наурыз мейрамы «Алтыбақан»

Мектепте сенбілік өтуде

Мектептегі «Алтынсарин ұландары » КВН командасы

«Жас шекарашылар» үйірмесі

Мектеп оқушыларын «Жас ұланға» өткізуде.

Сариев Алғибай

2015 жылы тамыз айында зейнеткерлік жасқа толып, қыркүйек айының басында мектеп директорының тәрбие ісі бойынша орынбасары қызметін тоқтатып зейнеткерлікке шықты.

Сариев Алғибай бар өмірін бала тәрбиесіне арнаған ұстаз. Ол 1973 жылы осы Ы.Алтынсарин мектебіне математика пәнінің мұғалімі болып келіп, 42 жыл бойы осында ұстаз, кейін тәрбие ісі бойынша орынбасар болып қызмет істеді.

Сариев Алғибай – өзі қызмет еткен осы жылдарда өзін тек жақсы жағынан көрсете білді. Қаншама шәкірттерге математика пәнінің қыр – сырын үйретуде тер төге еңбек етті десек болғандай. Сөзіміздің дәлелі осы ауданда оннан астам шәкірттері мектептерде математика пәнінен сабақ беріп жүр.

Ол қоғамдық жұмыстарға белсене араласады. Кезінде мектептегі комсомол ұйымын, кейіннен «Нұр Отан» ХДП – ның мүшесі және оның мектептегі ұйымын басқарды. Кәсіп одақ ұйымына да басшылық еткен. Көп жылдардан бері сайлау науқаны кезінде хатшылық қызметті атқарып келеді. 1979,1989,1999 және 2009 жылдарда өткен халық санағын жүргізуге қатысқан ұстаз.

Сариев Алғибайдың еңбектері де елеусіз емес. Бәрін тізіп жатпай -ақ 2013 жылы алған

«Ы. Алтынсарин медалі» осының дәлелі.

Ол қазіргі күндері де қол қусырып қарап отырған жоқ. Математика пәнінен сабақ бере жүріп ауылдағы бастауыш ардагер ұстаздар ұйымының төрағасы, ауыл биі сияқты қоғамдық жұмыстарды атқарып жүр. Зейнеткерлерді, көріктендіру – көгалдандыру жұмыстарына, ардагер ұстаздарды мектептің тәрбие жұмыстарына қатыстырып сол істердің басы – қасында ылғи өзі жүреді. Ауыл тұрғандарының той - томалағын да басшылық жасап, ысырапшылдыққа жол бермеуге үндеп отырады.

Жакипов Қыдырбай

01.05.1953жылы бұрынғы Қызылқұм ауданында дүниеге келген. Мектеп жасына толып Махталы №3 бөлімшесіндегі Ы.Алтынсарин атындағы орта мектептің табалдырығын аттаған. 1970 - 1971 жылы мектепті бітіріп, 1972 - 1974 жылдары әскер қатарында болған. Әскери қызметті өтеп келген соң ауылда еңбек жолын бастаған. Еңбекке араласа жүріп шығармашылыққа әуес болған. Аудандық өнер сайыстарына қатысып жүлделі орындарды иеленген.Бүгінгі таңда өлең жырлары аудан, республика көлеміндегі басылымдарда жариялануда.

Қазіргі кезде Республика көлемінде таралатын "Мырза дала" газетінің меншікті тілшісі болып қызмет атқарады. 2 ұлы, 2 қыз өсірген ардақты әке.