№96 Ы.Алтынсарин жалпы орта мектебінің тарихы

Мектеп 1957 жылы қыркүйек айында сегіз жылдық мектеп негізінде ашылған. Тыңды игеру жылдарына тұспа-тұсмерзімде ашылған Мақталы кеңшарының №3бөлімшесі алғашқыда кеңшар орталығы болды және бірнеше ұлттың балалары осы мектепте білім алды.

1959 жылы мақта терімшілеріне арналып салынған ғимарат мектепке беріліп оқушылар сол ғимаратта білім алды. Кеңшар орталығы №2 бөлімшеге ауысуына байланысты көптеген тұрғындар сол жаққа қоныс аударды.Сондықтан 1990жылдарға дейін оқушы санының аздығына байланысты негізгі мектеп күйінде қалды. Тұрғындардың 9-10 сынып оқитын балалары кеңшар орталығына қатынап оқуға мәжбүр болды.

1991 жылдан бастап мектеп орта мектепке айналды. 2011 жылы мектеп осы жаңа ғимаратқа қол жеткізді. Мектепте Шералиев Кемелбек Икрамовбекұлы, Нұралиев Әуен, Демеуов Нақыпбай, Исхақов Оразбай, Көлбаев Толыс, Сұлтанмұратов Көпжасар, Медеуов Әбдіманап, Тілеубеклв Рахмет басшылық қызметте болды. 2006 жылдан бері бүгінгі таңда Мырзахасов Ануарбек басқарып келеді.

Мектеп қабырғасында білім алып, елге танымал болған тұлғалар баршылық. Солардың кейбіреулерін айтар болсақ: Рыскелдиев Бердіқұлды ғылыми кандидатты Тәліпбеков Әбілсейітті атап өтуге болады.

Бүгінгі таңда 70-ке тарта адам жұмыс істейді. Оның 37 –і ұстаздар болса, 3-і жоғары санатты, 30-ға жуық тартасы І –ІІ санатты өз жұмысын абыроймен атқарып жүргендер. Қазір мектепте 15 сынып комплектісі бар. Бір ауысымда жұмыс жасайды. Акт зал, асхана, спорт зал бар. Оқушылырдың білім алуына, спортпен шұғылдануына үлкен мүмкіншіліктер жасалған.